Kanada Rusiyaya qarşı sanksiyaları genişləndirib

“Kanada hakimiyyəti Rusiyaya qarşı sanksiyalar siyahısına daha 62 rusiyalı fiziki şəxsi və müdafiə sektoru təşkilatını əlavə edib”.

“Report” xəbər verir ki, bunu Kanadanın Baş naziri Castin Trüdo Krım Platformasının onlayn sammitində deyib.

Kanada Xarici İşlər Nazirliyi hələ ki sanksiyalara məruz qalan şəxslərin siyahısını və şirkətin adını dərc etməyib.

C.Trüdo bildirib ki, Kanada Ukraynanın Müdafiə Nazirliyi və Milli Polisi kimi dövlət strukturlarını lazımi avadanlıqlarla təmin etməklə və texniki dəstək verməklə əlavə yardım göstərəcək.