Kanada Rusiya gəmilərinin üzünə limanlarını bağlayır

Kanada hökuməti Ukraynadakı vəziyyətlə əlaqədar Rusiya gəmilərinin yerli limanlara daxil olmasını qadağan edir.

"Report" xəbər verir ki, bu barədə CTV telekanalı məlumat yayıb.

Nazirlər Kabinetinin bağlı qapılar arxasında keçirilən iclasında verilən qərar bu həftə qüvvəyə minəcək.

Kanada hakimiyyəti, həmçinin Ukraynaya 79 milyon ABŞ dolları dəyərində humanitar yardım göndərmək qərarına gəlib. Xüsusilə, Ukraynaya yemək, su və müvəqqəti yaşayış üçün çadırlar göndəriləcək.