Kanada Ukraynaya zirehli texnika, Latviyaya yeni hərbçilər göndərəcək

Kanada Ukraynaya 40-dək zirehli döyüş maşını, eləcə də pilotsuz uçan aparatları üçün 6 kamera göndərəcək.

“Report” “dw”yə istinadən xəbər verir ki, bunu Kanadanın Baş naziri Castin Trtudo bildirib.

Onun sözlərinə görə, ölkəsi Rusiya ilə sərhədlərin qorunmasını gücləndirmək məqsədi ilə Latviyadakı hərbçilərinin sayını artıracaq:

“Biz Latviyada mövcudluğumuzu güclədirməyi davam etdirəcəyik. Ehtiyac olanda şəxsi heyətin sayını artırmaqdan onların döyüş qabiliyyətini gücləndirmək üçün müttəfiqlərimizlə birlikdə işləyəcəyik”.

Kanada hazırda NATO-nun Latviyadakı döyüş qrupuna başçılıq edir. Qrup üzvlərinin sayı 2 000-dir.