Kamerunda hücum zamanı 30-dan çox insan öldürülüb

Kamerunun qərbində etnik motivli hücum zamanı 30-dan çox insan öldürülüb.

Bu barədə “Report” “Agence France-Presse”ə istinadən xəbər verir.

"(Hücum zamanı-red) Uşaqlar, kişilər, qadınlar və qocalar da daxil olmaqla, 30-dan çox adam ölüb. Bəzilərinin başları kəsilib", - nəşr yerli mənbələrə istinadən yazıb.

Hücum həftə sonu Nigeriya sərhədinə yaxın Bakincoda baş verib. Akvaya rayonu ərazisində qeydə alınnan hücum iki müxtəlif etnik qrup arasında uzun müddətdir davam edən torpaq mübahisəsi ilə bağlıdır.