Kabildə güclü partlayış baş verib

Bakı. 18 noyabr. REPORT.AZ/ Kabilin şərq hissəsində Puli-Çarxi rayonunda Cəlalabada gedən yolda  güclü partlayış baş verib. Bu barədə "Report" "İTAR-TASS"a istinadən xəbər verir. 

Qərb koalisiya qoşunları bazasının ən azı iki keşikçisi həlak olub.

Terror aktına görə məsuliyyəti "Taliban" hərəkatı öz üzərinə götürüb.

"Taliban"ın nümayəndəsi Zabiulla Mücahid bildirib ki, iki terrorçu-kamikadze minalanmış avtomobili partladıblar.