​Kabildə baş verən güclü partlayış nəticəsində 400-ə yaxın insan xəsarət alıb

​Kabildə baş verən güclü partlayış nəticəsində 400-ə yaxın insan xəsarət alıb Səhiyyə Nazirliyinin əməkdaşı Vahidullah Mayar bildirib ki, zərərçəkmişlərin çoxu şüşə qırıntılarından yüngül xəsarət alıblar
Digər ölkələr
7 Avqust , 2015 10:59
​Kabildə baş verən güclü partlayış nəticəsində 400-ə yaxın insan xəsarət alıb

Bakı. 7 avqust. REPORT.AZ/ Kabildə minalanmış yük maşınının partladılması nəticəsində yaralananların sayı 400 nəfərə çatıb. Bu barədə "Report" RİA "Novosti"yə istinadən xəbər verir.

Səhiyyə Nazirliyinin əməkdaşı Vahidullah Mayar bildirib ki, zərərçəkmişlərin çoxu şüşə qırıntılarından yüngül xəsarət alıblar.

Qeyd edək ki, qurbanların sayı barədə ziddiyyətli məlumatlar verilir. Bir qədər əvvəl "Reuters" agentliyi 15 nəfərin həlak olduğu barədə məlumat vermişdi, digər KİV-lərdə partlayış nəticəsində yeddi və ya səkkiz insanın öldüyü bildirilir.

Partlayış Əfqanıstan paytaxtının şərqində Şah Şahid məhəlləsində baş verib. Ehtimal edilir ki, terror hücumunun hədəfi bu ərazidə yerləşən Müdafiə Nazirliyinin obyektlərindən biri olub. Partlayış nəticəsində bir neçə binada dağıntılar baş verib və həmin dağıntılar altında insanların qala biləcəyi istisna edilmir.

Son xəbərlər

Orphus sistemi