İtaliyada mafiya ilə əlaqədə şübhəli bilinən 30-dan çox şəxs saxlanılıb

İtaliyanın hüquq-mühafizə orqanları Avropaya kokain keçirməyə cəhd edən cinayətkar qrupu zərərsizləşdirib.

"Report" TASS-a istinadən xəbər verir ki, bu barədə Avropa Polis Agentliyi (Avropol) məlumat yayıb.

Məlumata görə, 300-ə yaxın polis “Ndrangheta” mafiyası ilə əlaqəli peşəkar cinayət sindikatının üzvlərinə qarşı reydlərdə iştirak edib. Bir neçə əyalətdə axtarışlar aparılıb, nəticədə 31 nəfər saxlanılıb, 7 milyon avro dəyərində vəsait müsadirə edilib.

İstintaq, həmçinin Cənubi Amerikadan Kalabriyaya iki ton ağırlığında kokainin çatdırılmasını təşkil edən cinayət başçılarını müəyyən etməyə imkan verib. Onlar da xüsusi əməliyyat zamanı saxlanılıblar.