İsrailin Qəzzaya endirdiyi aviazərbələr nəticəsində 39 fələstinli ölüb

İsrail ordusunun şənbə günü Qəzza zolağına endirdiyi aviazərbələr nəticəsində azı 39 nəfər həlak olub.

“Report” xəbər verir ki, bu barədə Qətərin “Əl-Cəzirə” telekanalı məlumat yayıb.

Qeyd olunub ki, Fələstin anklavının şimal hissəsi əsasən bombardmana məruz qalıb, nəticədə həmin ərazidə 27 nəfər dünyasını dəyişib.

Qəzzanın Səhiyyə Nazirliyinin məlumatına görə, Fələstin-İsrail qarşıdurmasının kəskinləşməsindən bu yana təxminən 45,5 min fələstinli həlak olub, 108 mindən çox şəxs isə yaralanıb.