İsrail diplomatik idarələrə husilərin terrorçu kimi tanınması üçün səyləri artırmağı tapşırıb

İsrailin xarici işlər naziri Gideon Saar ölkənin Avropadakı diplomatik idarələrinə Yəmənin husi üsyançılarının terrorçu kimi tanınmasına nail olmaqla bağlı göstəriş verib.

“Report” xəbər verir ki, bu barədə “The Jerusalem Post” məlumat yayıb.

Nəşr qeyd edir ki, nazir bununla bağlı bəyanatı Yəməndən atılan ballistik raketin məhv edilməsindən bir neçə saat sonra verib.

"Husilər təkcə İsrail üçün deyil, həm də region və bütün dünya üçün təhdiddir. Onların terror təşkilatı elan edilməsi atılmalı olan ən sadə və zəruri addımdır", - G.Saar bildirib.