Bu gün İsrail və HƏMAS arasında atəşkəs elan edilə bilər

İsrail və HƏMAS arasında bu gün elan edilə biləcək atəşkəs sazişinin şərtləri razılaşdırılır.

“Report” “The Wall Street Journal”a istinadən xəbər verir ki, bunu ərəb və İsrail rəsmiləri bildiriblər.

"Bu, ən azından Qəzza zolağında döyüş əməliyyatlarını dayandıracaq və bəzi girovların azad edilməsinə gətirib çıxaracaq", - nəşr qeyd edir.

Tərəflər sazişin əsas maddələrini razılaşdırıblar, lakin hələ də bəzi hissələr üzərində işləyirlər.

İstənilən saziş İsrailin təhlükəsizlik kabineti və hökumət tərəfindən təsdiqlənməlidir. Nəşr vurğulayıb ki, tərəflər ABŞ-nin seçilmiş prezidenti Donald Trampın andiçmə mərasimindən əvvəl saziş bağlamağa çalışırlar.