İsrail və ABŞ müdafiə nazirləri Qəzzada girovların azad edilməsini müzakirə ediblər

İsrailin müdafiə naziri Yoav Qallantla amerikalı həmkarı Lloyd Oustin arasında telefon danışığı olub.

“Report” xəbər verir ki, bu barədə “The Times of İsrail” məlumat yayıb.

Tərəflər Qəzza zolağındakı mövcud vəziyyəti və girovların azad edilməsini müzakirə ediblər.

Y. Qallant son yeniliklər barədə həmkarını məlumatlandırıb.

Onlar, həmçinin İsrail-Livan sərhədindəki vəziyyət barədə də danışıblar.

Y. Qallant həmkarına ABŞ-nin İsrailin təhlükəsizliyinə verdiyi dəstəyə görə təşəkkür edib.