İsrail Qəzza sərhədi yaxınlığında 30 min əhalinin təxliyəsini başa çatdırır

Artıq bir həftədir ki, HƏMAS terror təşkilatının davamlı raket atəşi altında yaşayan İsrailin Qəzza zolağı ilə sərhəddə yerləşən Sderot şəhərinin əhalisinin təxliyəsi başa çatmaq üzrədir.

“Report” xəbər verir ki, bu barədə “The Jerusalem Post” qəzeti məlumat yayıb.

Qeyd olunub ki, şəhərin 30 min sakinin əksəriyyəti şəhəri tərk edib. Şəhərin meri Alon Davidi bildirib ki, dövlət ən azı gələn həftə şəhər sakinlərinin otellərdə qalması üçün pul ödəyəcək.

“Müharibə zamanı sakinlərin şəhərdən kənarda qalmalarını asanlaşdırmaq üçün daha çox maliyyə vəsaiti əldə etmək üçün işləməyə davam edəcəyik”.