İsrail Prezidenti: Girovları geri qaytarmağın yeganə yolu HƏMAS-ın liderindən xilas olmaqdır

HƏMAS-ın Qəzzadakı lideri Yəhya Sinvarın tutulması və ya öldürülməsi girovların azad edilməsində həlledici amildir.

“Report” “The Times of Israel”ə istinadən xəbər verir ki, bunu İsrail Prezidenti İsaak Hersoq deyib.

"Başqa seçim yoxdur, döyüşməyə davam etməliyik, Sinvarı ölü və ya diri gətirməliyik ki, girovların evə gətirildiyini görə bilək. Bu, reallıqdır və dünya diqqətə almalıdır ki, hər şey Sinvarla başlayır və bitir", - o bildirib.

Qeyd edək ki, HƏMAS-İsrail müharibəsi 2023-cü il oktyabrın 7-də HƏMAS-ın başçılıq etdiyi fələstinli silahlı qruplar tərəfindən Qəzzə zolağından İsrailə qarşı həyata keçirilən genişmiqyaslı hücum əməliyyatları ilə başlayıb.