İsrail ordusu Rəfah şəhərində əməliyyata başlayıb

İsrail Müdafiə Ordusu Qəzza zolağının cənubunda yerləşən Rəfah şəhərində əməliyyata başlayıb.

“Report” xəbər verir ki, bu barədə məlumatı newsru.co.il yayıb.

Bildirilib ki, şəhər sakinləri və köçkünlər təxliyə edilir. Onlar Mauasi humanitar zonasında salınmış müvəqqəti düşərgələrə yerləşdirilir.

BMT-nin məlumatına görə, Rəfahda 1 milyon 400 min nəfər yaşayıb.

İnformasiyaya əsasən, Rəfahda HƏMAS-ın hərbi qolu sayılan “İzəddin əl-Kasam briqadası”nın dörd taboru yerləşdirilib.

Əməliyyatın azı altı həftə davam edəcəyi gözlənilir.