İsrail ordusu Hizbullahın hərbi obyektlərinə hücum edib

İsrail ordusunun qırıcı təyyarələri və artilleriyası Livanın cənubundakı “Hizbullah”ın hərbi obyektlərinə zərbələr endirib.

“Report” bu barədə İsrail ordusunun mətbuat xidmətinə istinadən xəbər verir.

“Bu səhər İsrail ordusunun döyüşçüləri Yarun bölgəsindəki “Hizbullah” terrorçularının hədəflərinə zərbələr endirib”, - məlumatda bildirilir.

“Bundan əlavə, İsrail əsgərləri Livanın cənubundakı Alma əl-Haib və Əl-Dahira bölgələrində təhlükəni aradan qaldırmaq üçün artilleriya atəşi açıblar”, - mətbuat xidməti əlavə edib.