İsrail HƏMAS girovları azad edənə qədər Qəzza əməliyyatını genişləndirəcək

İsrailin Müdafiə Ordusu Qəzza zolağında radikal HƏMAS hərəkatı anklavda saxlanılan girovları azad edənə qədər əməliyyatını genişləndirəcək.

“Report” xəbər verir ki, bu barədə yəhudi dövlətinin müdafiə naziri İsrael Kats mətbuat xidmətinin yaydığı videomüraciət zamanı bildirib.

“Əgər HƏMAS girovları tezliklə azad etməsə, İsrail Ordusu bütün Qəzza zolağında əməliyyata başlayacaq, HƏMAS məğlub olana və bütün girovlar azad edilənə qədər mübarizəni davam etdirəcək”, - nazirliyin rəhbəri deyib.

Onun fikrincə, Fələstin anklavında döyüşlərin bərpasından sonra girovların azad edilməsi ilə bağlı sazişin bağlanma ehtimalı artıb. Katz əlavə edib ki, İsrail Ordusu terrorçuları məhv edir.