İsrail Baş naziri Hizbullaha xəbərdarlıq edib

İsrail Baş naziri Benyamin Netanyahu (Benjamin Netanyahu) Hizbullah qruplaşmasına xəbərdarlıq edib.

“Report” xəbər verir ki, o, bu barədə hökumətin iclasında danışıb.

Baş nazir söyləyib ki, Hizbullah HƏMAS-ın başına gələn dərsdən nümunə götürməlidir: “Heç bir terrorçu təhlükəsiz deyil. Biz vətəndaşlarımızı qorumaq əzmindəyik. Bu, bizim məqsədimizdir”.

O bildirib ki, İsrail Hizbullahla münaqişəni siyasi yolla həll etməyə də hazırdır: “Lakin adekvat cavab verilməsə, başqa variantlardan istifadə edəcəyik”.

Qeyd edək ki, İsrail dünən Hizbullahın obyektlərini atəşə tutub.

Xatırladaq ki, İsraillə HƏMAS arasında müharibə ötən il oktyabrın 7-də başlayıb.