İranın XİN rəhbəri: “Əfqanıstan xalqının humanitar yardıma ehtiyacı var”

İran dünya ictimaiyyətini Əfqanıstanın maliyyə aktivlərini blokdan çıxarmağa çağırıb.

“Report” xəbər verir ki, bunu İranın xarici işlər naziri Hüseyn Əmirabdullahian Pakistanda İslam Əməkdaşlığı Təşkilatının (İƏT) Xarici İşlər Nazirləri Şurasının Əfqanıstanda humanitar vəziyyətə həsr olunmuş növbədənkənar iclasında çıxışı zamanı deyib.

Onun sözlərinə görə, Əfqanıstan xalqının təcili humanitar yardıma ehtiyacı var:

“Müsəlman ölkələrinin maliyyə fondunun yaradılması bu məqsədə çatmaq üçün zəruridir. İslam dövlətləri Əfqanıstanda hakim quruluşu və bütün siyasi qüvvələri inklüziv hökumət formalaşdırmaq üçün stimullaşdırmalıdır”.