İordaniya kralı: İsrailin İrana hücumları hamı üçün təhdiddir

İordaniya kralı II Abdullah Strasburqda (Fransa) Avropa Parlamentinin üzvləri qarşısında çıxışında İsrailin İrana hücumunu pisləyib.

“Report” xəbər verir ki, bu barədə “The Times of Israel” nəşri yazıb.

"Bu döyüşün sərhədlərinin harada bitəcəyini söyləmək qeyri-mümkündür. Bu, bütün dünyadakı insanlar üçün təhdiddir", - o bildirib.

İordaniya kralı həmçinin qeyd edib ki, vəziyyət "tarixin hakimiyyət və ya prinsip, qanunun və ya gücün aliliyi, tənəzzül və ya yenilənmə seçimi tələb edən həlledici yolayrıcındadır".