Yuxarı

İtaliya prezidenti NATO və Rusiya arasında danışıqların davam etməsinin vacibliyini vurğulayıb

Bugün təhlükəli olan gərginlik məqamına son qoymaq lazımdır

Bakı. 14 oktyabr. REPORT.AZ/ İtaliya prezidenti Serjio Mattarella NATO və Rusiya Federasiyası arasında danışıqların davam etməsinin vacibliyini vurğulayıb. Onun sözlərinə görə, bu, beynəlxalq gərginliyin azalmasına səbəb olacaq. “Report”un “TASS”a istinadən verdiyi xəbərə görə, bunu dövlət başçısı NATO-nun Romadakı müdafiə kollecində qurumun baş katibi Yens Stoltenberqin iştirakı ilə keçirilən iclasda deyib.

“Bugün təhlükəli olan gərginlik məqamına son qoymaq lazımdır. Müxtəlif təlimlər, güc nümayişi bu gərginliyin yalnız artmasına səbəb olur. Gərginlikdən sonra isə qarşılıqlı etimadın yaranmasına illər lazım olacaq”, - İtaliya prezidenti bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi