İtaliya A seriyanın matçları koronavirusa görə ləğv edildi

İtaliya A seriyasının futbol matçları ləğv olunub.

“Report” xəbər verir ki, bu barədə jurnalist Fabrisio Romano bildirib.

O, qeyd edib ki, buna səbəb ölkədə koronavirus epidemiyasının tüğyan etməsidir. Daha əvvəl bildirilirdi ki, İtaliyanın Milli Olimpiya komitəsi ölkədə bütün idman yarışlarının 3 aprelə qədər dayandırıldığını elan edib.

Ölkənin baş naziri Cüzeppe Konte koronavirusla əlaqədar ölkədə vətəndaşların hərəkətinin məhdudlaşdırılmasını nəzərdə tutan karantin tədbirlərinin genişləndirildiyini bildirib.

Son məlumata görə, İtaliyada koronavirusa yoluxanların ümumi sayı 9 min nəfəri ötüb. Ölkədə 700-dən çox insan sağalıb. Koronavirus İtaliyada 463 nəfərin həyatına son qoyub.