İspaniyada hərbi təyyarə qəzaya uğrayıb, 11 nəfər yaralanıb

İspaniyada hərbi təyyarənin uçuş-enmə zolağından kənara çıxması nəticəsində 11 nəfər yaralanıb.

“Report” xəbər verir ki, məlumatı COPE yayıb.

Bildirilib ki, 5 yaralı xəstəxanaya yerləşdirilib. Pilot baş-beyin travması alıb, onun vəziyyəti ağırdır.

Məlumata görə, hadisə fəlakət zamanı əhalinin təxliyyəsi tapşırığını məşq edərkən baş verib.