Bakı 24° C
https://static.report.az/photo/2f46895f-359d-4f5a-8cd1-b2349b88c69f.jpg
Bakı. 7 iyun. REPORT.AZ/ İraqın paytaxtı Bağdadda törədilmiş partlayışlar nəticəsində ölənlərin sayı 20 nəfərə çatıb.
"Report" TASS-a istinadən xəbər verir ki, bu barədə "" məlumat yayıb.
Məlumata görə, hadisə zamanı 100-ə yaxın insan yaralanıb. Partlayışların səbəbi hələ məlum deyil. Təhqiqat aparılır.
***01:21
İraqın paytaxtı Bağdadda törədilmiş partlayışlar nəticəsində ölənlərin sayı 10 nəfərə çatıb.
"Report"un məlumatına görə, bu barədə "As-Sumariya" telekanalı xəbər verib.
Telekanalın xəbərində bildirilir ki, partlayışlar nəticəsində həmçinin onlarla insan xəsarət alıb. Qeyd edək ki, ölənlər arasında azyaşlılar da var.
Hadisə Bağdadın şərqində baş verib.
***00:30
İraqın paytaxtı Bağdadda törədilmiş 2 partlayış nəticəsində 7 nəfər həlak olub.
"Report"un məlumatına görə, bu barədə "Associated Press" güc strukturlarındakı mənbəyə istinadən xəbər verib.
Xəbərdə bildirilir ki, ölənlərdən 2-i uşaqlardır. Partlayıcı qurğu məscidin yaxınlığında işə salınıb. Hadisə nəticəsində daha 20 nəfər xəsarət alıb.
Partlayış zamanı bir neçə evə ziyan dəyib.
***23:53
İraqın paytaxtı Bağdadda minalanmış avtomobil partladılıb.
"Report" xarici mətbuata istinadən xəbər verir ki, bu barədə ölkənin güc strukturlarındakı mənbə bildirib.
Məlumata görə, hadisə şiələrin üstünlük təşkil etdiyi "Mədinət əs-Sədr" rayonunda, Bağdadın şərqində, qəhvəxananın yaxınlığında baş verib. Hələlik xəsarət alanlar və ya ölənlər barədə məlumat yoxdur.
Ərazidə yaşayanların əksəriyyəti dini lider Müqtəda əs-Sədri dəstəkləyənlərdir. Onun rəhbəri olduğu blok bu yaxınlarda keçirilən parlament seçkilərində qalib gəlib.
