İraqın maliyyə naziri korrupsiyaya görə işdən azad edilib

Bakı. 21 sentyabr. REPORT.AZ/ İraq parlamenti maliyyə naziri Xoşyar Zəbarinin tutduğu vəzifədən azad olunması haqda qərar qəbul edib.

"Report" "Aljazeera"yə istinadən xəbər verir ki, onun vəzifədən kənarlaşdırılmasına səbəb nazirin korrupsiya əməlləri göstərilib.

Məlumata görə, onun tutduğu vəzifədə qalmasının əleyhinə 158, lehinə isə 77 deputat səs verib.

Qeyd edək ki, X.Zəbari 2003-2004-cü illərdə İraqın xarici işlər naziri olub. O, İraqın şimalındakı kürd muxtariyyətinin lideri Məsud Barzaninin rəhbəri olduğu "Kürdüstan Demokrat Partiyası"nın üzvüdür.