Yuxarı

​İraq ordusu iki yaşayış məntəqəsini İŞİD-dən azad edib

Ordu Um əl-Diban və Um Curais rayonlarına nəzarəti ələ keçirib

Bakı. 26 mart. REPORT.AZ/ İraqın yezidi kürd döyüşçüləri və tayfa dəstələri Suriya ilə sərhəd yaxınlığında yerləşən Sincar şəhəri ərazisində iki yaşayış məntəqəsini İŞİD terror təşkilatından azad edib.

"Report" xəbər verir ki, bu barədə İraq ordusuna istinadən "Reuters" məlumat yayıb.

Ordunun bəyanatına görə, hərbçilər Um əl-Diban və Um Curais rayonlarına nəzarəti ələ keçirə biliblər.

İraq bununla da İŞİD terrorçularının əsas təchizat yolunu kəsmiş olub.

Bağdadın 400 km şimal-qərbində, Suriya ilə sərhəddəki Sincar dairəsinin Neynəva əyalətində yerləşən Sincar şəhəri İŞİD terrorçuları tərəfindən ötən ilin avqustunda ələ keçirilmişdi. Həmin vaxt əhalisini, əsasən yezidi kürdlər təşkil edən şəhəri təqribən 200 min adam tərk etmişdi.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi