Yuxarı

İD Suriyada fələstinlilərin düşərgəsini tutub

Dinc sakinlər daxil olmaqla, azı 9 fələstinli öldürülüb

Bakı. 4 aprel. REPORT.AZ/ Terrorçu İslam Dövləti (İD) qruplaşmasının üzvləri Suriyada Fələstin qaçqınlarının sığındığı düşərgəni işğal edib.

"Report"un Azadlıq radiosuna istinadən xəbər verir ki, onlar Dəməşqin cənubunda Fələstin döyüşçüləri ilə dörd günlük döyüşdən sonra düşərgəyə girə biliblər.

Suriya İnsan Hüquqlarını Müşahidə Təşkilatı aprelin 4-də bildirib ki, İD yaraqlıları artıq Yarmaouk qaçqın düşərgəsinin 90 faizinə nəzarət edirlər.

Düşərgəyə hücum aprelin 1-də başlayıb. Dinc sakinlər daxil olmaqla, azı 9 fələstinli öldürülüb.

Qaçqın düşərgəsi iki ildən çox idi ki, Suriya hökumət qoşunlarının mühasirəsində idi. Müxalifətçi silahlıların buraya sığındığı bildirilirdi.

Suriyada 2011-ci ildə başlayan iğtişaşlardan əvvəl 150 mindən çox fələstinli Yarmouka sığınmışdı.

BMT-nin məlumatına görə, bu illər ərzində bu rəqəm 18 minə düşüb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi