Husilər İsrailə zərbələr endirmək üçün hədəf dairəsini genişləndirə bilər

Yəmənin “Ənsar Allah” üsyançı hərəkatından olan husilər, yəhudi dövlətinin ordusu Qəzza zolağında əməliyyatı dayandırmasa, İsrailə zərbələr endirmək üçün hədəflərin dairəsini genişləndirmək niyyətindədir.

“Report” xəbər verir ki, bu barədə hərəkatın hərbi nümayəndəsi Yəhya Saria “Al Masirah” telekanalında bildirib.

“Yəmən silahlı qüvvələri Qəzza zolağına qarşı təcavüzün dayanmayacağı təqdirdə yaxın saatlarda və günlərdə Fələstinin işğal olunmuş ərazilərində hədəflərin dairəsini genişləndirəcək”, – Saria açıqlayıb.