​​​​​​​Hindistanın Baş naziri Putinlə ikitərəfli tərəfdaşlığı müzakirə edib

Hindistanın Baş naziri Narendra Modi ilə Rusiya Prezidenti Vladimir Putin arasında telefon danışığı olub.

“Report” xəbər verir ki, bu barədə Hindistanın Baş naziri "X" sosial şəbəkəsindəki hesabında paylaşım edib.

Məlumata görə, liderlər Rusiya-Hindistan strateji tərəfdaşlığının inkişafı və Ukraynadakı müharibəni müzakirə ediblər.

“Rusiya Prezidenti Vladimir Putinlə strateji tərəfdaşlığın daha da möhkəmləndirilməsi üzrə tədbirləri müzakirə etdik. Rusiya-Ukrayna münaqişəsi ilə bağlı fikir mübadiləsi apardıq”, - paylaşımda bildirilib.