Hindistanda Nipah virusundan ölənlərin sayı 16-ya çatıb

Bakı. 31 may. REPORT.AZ/ Hindistanın cənubundakı Kerala ştatında daha iki nəfərin ölümcül Nipah virusuna yoluxması halı qeydə alınıb. Ölənlərin ümumi sayı isə 16 nəfərə çatıb.

"Report" TASS-a istinadən xəbər verir ki, bu barədə "Hindustan Times" qəzeti yerli Səhiyyə Nazirliyinin nümayəndələrinə istinadən yazıb.

Qeyd edək ki, mayın 24-də Hindistan Səhiyyə Nazirliyinin nümayəndəsi Priti Sudan mütəxəssislərin Kerala ştatında Nipah virusunun yayılmasının qarşısını almağa nail olduqlarını açıqlayıb. O vaxt P.Sudan infeksiyanın çox lokal xarakerli olduğunu bildirmişdi. Həmin zaman virusdan ölənlərin sayı 11 nəfər idi.