“HƏMAS” vasitəçilərə azad edəcəyi israilli girovların siyahısını verib

Fələstinin “HƏMAS” hərəkatı vasitəçilərə anklavda atəşkəs razılaşmasının birinci mərhələsində azad etməyi planlaşdırdığı Qəzza zolağında saxlanılan israilli girovların siyahısını verib.

“Report” xəbər verir ki, bu barədə “HƏMAS”ın rəsmi teleqram kanalında dərc olunan bəyanatda deyilir.

“HƏMAS bazar günü axşam Qəzzada atəşkəs razılaşmasının birinci mərhələsində azad ediləcək girovların siyahısı ilə bağlı vasitəçilərə lazımi məlumat verib”, - bəyanatda deyilir.

Hərəkat siyahıda neçə adın yer aldığını və konkret hansı məlumatın müzakirə edildiyini açıqlamayıb.