Yuxarı

​Hələbdə bombardman nəticəsində 47 nəfər həlak olub

Bu addım Dəməşqin raket atəşinə tutulmasına cavab olaraq atılıb

Bakı. 7 fevral. REPORT.AZ/ Suriya Hərbi Hava Qüvvələrinin vertolyotları Hələb şəhərinin müxalifətçilərin nəzarəti altında olan rayonlarından birinə iki çəllək bombası atıb.

"Report" xəbər verir ki, "Associated Press"in yerli mənbələrə istinadən verdiyi məlumata görə, nəticədə ən azı 47 nəfər həlak olub.

Bombardman fevralın 6-na keçən gecə, "İslam ordusu" terrorçularının Dəməşqi raket atəşinə tutmasından sonra həyata keçirilib. Paytaxtın raket atəşinə tutulması nəticəsində on nəfər ölüb.

Xatırladaq ki, BMT-nin məlumatına görə, Suriyada vətəndaş müharibəsi başlayandan 200 mindən artıq insan həyatını itirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi