Yaponiyanı oktyabr ayında cənginə alan "Haqibis" tayfununun Yaponiyanın kənd və balıqçılıq təsərrüfatına vurduğu ziyan təqribən 98 milyard yenə (902 milyon dollardan çox) çatır.
"Report" RİA "Novosti"yə istinadən xəbər verir ki, bu barədə tayfundan ziyan görmüş 38 prefektura barədə məlumatları ümumiləşdirən milli ictimai televiziya məlumat yayıb.
Bu qiymətləndirməyə görə, axtarış-xilasetmə işləri aparıldıqca ziyanın miqdarı da artacaq.
Qeyd edək ki, oktyabrın 12-13-də Yaponiya sahillərində tüğyan edən "Haqibis" tayfunu 7 min kənd təsərrüfatı obyektinə, düyü zəmilərinə, meyvə bağlarına ziyan vurub. Balıqçılıq limanları, dəniz məhsullarının emalı üzrə sahilyanı fabriklər ciddi zərər görüb.