FT: ABŞ tankerlərin Hörmüzdən keçidi üçün vaxt intervalını azaldıb

ABŞ Hörmüz boğazından keçən tankerlərin hərbi mühafizənin təmin oluna biləcəyi müəyyən vaxt intervallarında hərəkət etməsinə çağırıb.

"Report"un "Al Jazeera"ya istinadən verdiyi məlumata görə, bu barədə "Financial Times" yazır.

Bu addım gecə saatlarında boğazdan keçən gəmilərə İranın hücumlarının güclənməsi ilə əlaqədardır.

Nəşrin məlumatına görə, may ayından etibarən Vaşinqton Omanın cənub sahilləri boyu marşrutla boğazdan keçən gəmiləri hava mühafizəsi ilə təmin edir.

FT qeyd edir ki, sentyabrın əvvəllərində hərbi-dəniz koordinasiya mərkəzi dənizçilik sahəsində məsləhətçilərə gəmilərin mühafizə təminatından yararlana biləcəyi müddətin azaldılması və sutka ərzində iki konkret vaxt intervalında təqdim edilməsi barədə məlumat verib.