Fransada insanlara qarşı daha bir zorakılıq hadisəsi baş verib

Fransanın Avinyon şəhərində naməlum şəxs polislərə bıçaqla hücum edib.

“Report” yerli KİV-ə istinadən xəbər verir ki, asayiş keşikçiləri atəş açıblar, nəticədə həmin şəxs aldığı güllə yaralarından dünyasını dəyişib. Hadisə ilə bağlı araşdırma başlayıb.

Xatırladaq ki, elə bu gün Nis şəhərində Notre-Dam kilsəsinin qarşısında naməlum şəxs bıçaqla ətrafdakılara hücum edərək üç nəfəri öldürmüş və bir neçəsini də yaralamış, sonra da polis tərəfindən atəşlə yaralanaraq saxlanılmışdı.

Fransa Müsəlman İmanı Şurası bu hadisəni pisləyərək ölkə müsəlmanlarını mövlud mərasimlərini təxirə salmağa çağırıb.