Fransada toqquşan hərbi təyyarələrdən birinin pilotu tapılıb - YENİLƏNİB

Fransada toqquşan iki "Rafale" hərbi təyyarəsinin pilotlarından biri yaralı vəziyyətdə tapılıb.

“Report” xəbər verir ki, bu barədə yerli KİV məlumat yayıb.

Pilot katapult edib və xəstəxanaya aparılıb.

Toqquşan iki qırıcının göyərtəsində üç nəfər olub.

Fransa silahlı qüvvələr naziri Sebastian Lekornu “X” sosial şəbəkəsindəki hesabında “Mirage” deyil, iki “Rafale” qırıcısının toqquşduğunu bildirib.

"Qəza iki “Rafale” qırıcısının iştirakı ilə baş verib", – o qeyd edib.

16:31

Fransada iki “Rafale” hərbi təyyarəsinin iştirakı ilə qəza baş verib.

“Report” xarici KİV-ə istinadən bildirir ki, insident ölkənin şərqindəki Mört və Mözel departamentində qeydə alınıb.