Fransada fermerlər Makronun da olduğu pavilyona daxil olublar

Fransa hökumətinin siyasətindən narazı qalan fermerlər polis kordonunu yarıb və kənd təsərrüfatı salonunun açıldığı sərgi mərkəzinə soxulublar.

“Report” bu barədə Rusiya KİV-ə istinadən xəbər verir.

Sərgi mərkəzində Fransa Prezidenti Emmanuel Makron da olub.

Sərgi mərkəzinə girişi bağlayan hüquq-mühafizə orqanlarının əməkdaşlarının olmasına baxmayaraq, fermerlər içəri daxil ola bilib.

Bildirilib ki, təhlükəsizlik qüvvələri ilə etirazçılar arasında dava düşüb, nəticədə polis onları zorla binadan çıxarmağa başlayıb.

Qeyd edilib ki, Makron həmin an mərkəzin ikinci mərtəbəsində idi.