Fransa mərkəzi və qərbi Afrikadakı kontingentini 600 hərbçiyə endirəcək

Fransa mərkəzi və qərbi Afrikadakı hərbi kontingentini bir neçə yüz nəfərə qədər azaltmaq niyyətindədir.

“Report”un məlumatına görə, bu barədə AFP mənbələrə istinadən xəbər verib.

Məlumata görə, Fransa hakimiyyəti Qabonda 100-ə yaxın hərbçi (hazırda ölkədə 350 nəfər var), Seneqalda 100 nəfəri (indi 350 nəfər var), Kot-d'İvuarda 100 nəfəri (bu gün 600 nəfərlə müqayisədə) və hazırda 1 000 fransız hərbçinin olduğu Çadda təxminən 300 nəfəri saxlamaq niyyətindədir.

Fransa Silahlı Qüvvələrinin Baş Qərargahı məlumata şərh verməkdən imtina edib.