Floridada atışma nəticəsində 6 nəfər yaralanıb

Bakı. 22 oktyabr. REPORT.AZ/ Bazar günü ABŞ-ın Florida ştatının Ceksonvill şəhərinin mərkəzi küçəsində baş vermiş silahlı insident nəticəsində 6 nəfər yaralanıb.

“Report” TASS-a istinadən xəbər verir ki, bu barədə yerli şerifin idarəsi "Twitter" mikrobloqunda məlumat yayıb.

Polisin xəbərinə görə, yaralanan 6 nəfərdən 3-ünün vəziyyəti ağırdır. Şübhəli şəxsin saxlanılması hələ ki, mümkün olmayıb.

Yerli telekanalların məlumatına görə, canilər atəşi avtomobildən aça bilərlər.

Bundan əvvəl ABŞ-da əyləncə gecəsi zamanı döşəmənin uçması nəticəsində 30 nəfər yaralanıb.