Bakı. 14 yanvar. REPORT.AZ/ Sakit Okeanın cənub hissəsində Fici adalarında 5,5 bal gücündə zəlzələ olub.
"Report" "RİA Novosti"yə istinadən xəbər verir ki, bu barədə Avropa Aralıq dənizi Seysmoloji Mərkəzi (EMSC) məlumat yayıb.
Yeraltı təkanlar bu gün Bakı vaxtı ilə saat 09:11-də qeydə alınıb. Zəlzələnin ocağı 175 kilometr dərinlikdə, Fici adalarındakı Nandi şəhərindən 178 km cənub-qərbdə yerləşib.
Dağıntı və ya tələfat barəsində məlumat yoxdur. Sunami təhlükəsi elan olunmayıb