Yuxarı

Federika Mogerini: "Aİ-nin müdafiə siyasətinin həyata keçirilməsi üzrə fəaliyyət planı noyabrda hazır olacaq"

Söhbət Aİ-nin hazırda davam edən 17 missiyasının həyata keçirilməsi üzrə praktiki əməkdaşlıq üçün tədbirlərdən gedir

Bakı. 27 sentyabr. REPORT.AZ/ "Avropa İttifaqının (Aİ) müdafiə siyasətinin həyata keçirilməsi üzrə fəaliyyət planı noyabr ayında hazır olacaq. Bu isə Aİ-yə daxil olan dövlətlərin liderlərinin dekabr ayında keçiriləcək sammitində onu təsdiq etməsinə imkan verəcək".

"Report" TASS-a istinadən xəbər verir ki, bunu Aİ-nin xarici işlər və təhlükəsizlik siyasəti üzrə ali nümayəndəsi Federika Mogerini Aİ-nin müdafiə qurumlarının rəhbərlərinin Bratislavada keçiriləcək qeyri-rəsmi görüşü ilə bağlı deyib.

"Söhbət Avropa ordusunun yaradılmasından yox, Aİ-nin hazırda davam edən 17 missiyasının, o cümlədən Aralıq dənizində miqrasiyaya nəzarət üzrə "Sofiya" xüsusi əməliyyatının həyata keçirilməsi üzrə praktiki əməkdaşlıq üçün tədbirlərdən gedir" - o vurğulayıb.

Böyük Britaniyanın müdafiə naziri Maykl Fellon isə bildirib ki, ölkəsi Aİ ordusunun yaradılmasının qarşısını almağa çalışacaq. O, bunu Aİ ordusunun NATO-nun mövqeyini sarsıda biləcəyi ilə əsaslandırıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi