Makron prezident seçkilərinin ikinci turunda qalib gəlib

Fransanın hazırkı prezidenti Emmanuel Makron, ilkin məlumatlara görə, prezident seçkilərinin ikinci turunda qalib gəlib.

"Report" xəbər verir ki, bu barədə BFM telekanalı məlumat yayıb.

Telekanalın məlumatına görə, o, 57,6% səs toplayıb. Onun rəqibi Marin Le Pen 42,4% səs qazanıb.

Yaxın vaxtlarda hər iki siyasətçinin səsvermənin nəticələri ilə bağlı açıqlamalar verəcəyi gözlənilir.

Fransada prezident seçkilərinin ikinci turunda hazırkı dövlət başçısı Emmanuel Makron liderlik edir.

"Report" Belçika mətbuatına istinadən xəbər verir ki, bunu "exit-poll" məlumatları təsdiq edir.

Məlumata görə, Makron səslərin 58 faizini toplaya bilib. Digər namizəd Marin Le Pen seçicilərin 42-25 faizinin etimadını qazanıb.

Emmanuel Makron Parisdə seçkilər başa çatdıqdan sonra Eyfel qülləsinin ətəyində vətəndaşlara müraciət etmək niyyətindədir.

Bundan əvvəl Fransada seçici fəallığının 63,23% olduğu barədə məlumat yayılıb.

Qeyd edək ki, 2017-ci ildə keçirilən prezident seçkilərində Le Pen Makrona uduzmuşdu. Belə ki, Fransada keçirilən seçkilərin 2-ci turu zamanı Emmanuel Makron 66,1 % səslə qalib gəlib. 5 il əvvəl seçicilərin 33,9 %-i Marin Le Penə səs verib.