Yuxarı
    Bağlamaq

    Ermənistan XİN rəhbəri qondarma "erməni soyqırımı"nı tanıdığı üçün Boliviyaya təşəkkürünü bildirib

    Bir gün əvvəl Buenos-Ayresdə Boliviya Senatı və Deputatlar Palatası tərəfindən soyqırımın tanınması haqqında sənədin təqdimetmə mərasimi baş tutub

    Bakı. 1 dekabr. REPORT.AZ/ Ermənistan xarici işlər naziri Edvard Nalbandyan Boliviya parlamenti tərəfindən qondarma "erməni soyqırımı"nın tanınması ilə bağlı bəyanatla çıxış edib. "Report" Ermənistan KİV-inə istinadən xəbər verir ki, E.Nalbandyan ölkə rəhbərliyinə və hər iki palataya bu addıma görə öz təşəkkürünü bildirib. 

    Bir gün əvvəl Buenos-Ayresdə  Boliviya Senatı və Deputatlar Palatası tərəfindən 1915-ci il "erməni soyqırımı"nın tanınması haqqında sənədin təqdimetmə mərasimi baş tutub. Sənədlər Ermənistanın Argentinadakı səfiri Vaaqn Melikyana və EAK (Ermənistan apostol kilsəsi) Argentina Yeparxiyasının rəhbəri, arxiyepiskop Qisak Muradyana təqdim edilib. 

    Tədbirə Boliviya Senatının sədr müavini, Senatın fəaliyyətdə olan sədri Sonya Quardia Melqar və Deputatlar Palatasının üzvü Farides Vala Suares de Suarea dəvət olunub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi