“Ərəb baharı”nın bölgə dövlətlərinin iqtisadiyyatına vurduğu ziyan açıqlanıb

Bakı. 11 noyabr. REPORT.AZ/ “Ərəb baharı”nın baş verdiyi və davam etdiyi 2011-2015-ci illərdə Yaxın Şərq ölkələrinin iqtisadiyyatına 614 milyard dollar ziyan dəyib.

“Report” BBC-yə istinadən xəbər verir ki, bu barədə BMT hesabatında bildirilib. 

İnformasiyaya görə, 2011-ci ildən indiyə qədər Suriya iqtisadiyyatı 269 milyard dollar zərər görüb.

Qeyd edək ki, “Ərəb baharı” nəticəsində Misir, Tunis və Liviyada hakimiyyət dəyişikliyi baş verib. Suriyada hökumət əleyhinə başlayan etirazlar isə münaqişəyə çevrilib.