Almaniyada çayda qəza baş verib, xəsarət alanlar var

Almaniyanın Hamburq şəhərində, Elba çayında barjanın bərə ilə toqquşması nəticəsində 11 nəfər xəsarət alıb.

“Report” xəbər verir ki, bu barədə “Bild” nəşri yazıb.

Məlumata görə, zərərçəkənlərdən birinin vəziyyəti ağır kimi qiymətləndirilir.

Hadisə saat yerli vaxtla 06:43-də baş verib. Bərənin göyərtəsində 25 nəfər olub.

İlkin məlumatlara görə, barja hələlik məlum olmayan səbəbdən sahilyanı konstruksiyadan aralanıb.