Ekzitpol: Hazırkı prezident Xorvatiya seçkilərində liderlik edir

Xorvatiya Prezidenti Zoran Milanoviç dövlət başçısı seçkilərində əhəmiyyətli fərqlə liderlik edir.

“Report” xəbər verir ki, bu barədə Xorvatiyanın “Dnevnik” portalının səsvermə məntəqələrinin bağlanmasından sonra açıqladığı ekzitpolun nəticələri göstərir.

Məlumata əsasən, Milanoviç hazırda səslərin 51,48 %-ni toplayır, onun əsas siyasi rəqibi, hakim “Xorvatiya Demokratik Birliyi” partiyasının dəstəklədiyi müstəqil namizəd Draqan Primoraç isə səslərin 19,29 %-ni qazanır.

Qeyd edək ki, Xorvatiyada bazar günü keçirilmiş prezident seçkilərində səsvermə yerli vaxtla saat 19:00-da (Bakı vaxtı ilə 22:00) səsvermə məntəqələrinin bağlanması ilə başa çatıb və səslərin hesablanmasına başlanılıb.