Əfqanıstanda silahlılar tələbələrin olduğu avtobusa hücum edib, ölənlər var

Əfqanıstanın Bağlan vilayət Universitetinin müəllim və tələbələrini daşıyan avtobusa silahlılar tərəfindən hücum edilib, 2 nəfər öldürülüb.

“Report” xəbər verir ki, bu barədə “RİA Novosti” təhlükəsizlik qüvvələrindəki mənbələrə istinadən məlumat yayıb.

Mənbələrin məlumatına görə, avtomobus Puli-Xumri şəhəri yaxınlığında raketlə vurulub. Hücum nəticəsində avtobus sürücüsü və bir tələbə ölüb, altı müəllim yaralanıb.

“Avtobusda təxminən 25 müəllim və tələbə olub”, - “Tolo News” telekanalı mənbələrdən sitat gətirib.

Bağlan polisi hücumun arxasında radikal “Taliban” silahlılarının dayandığını bildirib.