Yuxarı

​Əfqanıstanda antiterror əməliyyatı: 151 yaraqlı zərərsizləşdirilib

Onlar 17 yaraqlının cəsədini götürərək Pakistan ərazisinə qaçıb

Bakı. 23 dekabr. REPORT.AZ/ Əfqanıstanın cənubunda, Kunar əyalətində keçirilən irimiqyaslı antiterror əməliyyatları nəticəsində "Taliban" hərəkatının 151 yaraqlısı zərərsizləşdirilib, 100-dən çoxu yaralanıb.

"Report" "İTAR-TASS"a istinadən xəbər verir ki, bu barədə Əfqanıstan Daxili İşlər Nazirliyinin əyalətdəki idarəsinin başçısı Abdul Həbib Səidxil bildirib. 

"Onların bir hissəsi 17 yaraqlının cəsədini götürərək Pakistan ərazisinə keçib", - o deyib.

Xatırladaq ki, dekabrın ortalarında "Taliban" yaraqlıları Kunar əyalətinin Danqam rayonuna basqın etmişdi. Yerli əhali onlara qarşı etiraz aksiyası keçirmişdi. Həmin vaxt "talib"lər onlarla dinc sakini öldürmüşdü.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi