Bakı. 19 aprel. REPORT.AZ/ Əfqanıstan prezidenti Əşrəf Qani Tehrana iki günlük səfərə gəlib .
"Report" BBC-yə istinadən xəbər verir ki, Əşrəf Qani İranlı həmkarı Həsən Rohani və digər rəsmi şəxslərlə görüşməlidir.
Əfqanıstanla İran arasında sıx əlaqələr mövcuddur.
2001-ci ildə İran Əfqanıstanda taliban hökümətinin devrilməsi məqsədilə yaradılan beynəlxalq koalisiyaya rəhbərlik edən ABŞ-a dəstək vermişdi.
Əşrəf Qani Suriya və İraqda fəallıq göstərən "İslam Dövləti" (İD) hərəkatının Əfqanıstana da yayıla biləcəyindən narahtlığını bildirib.
Son bir neçə ay ərzində Taliban üzvləri İD-ə sadiq olduqlarını bəyan edirlər. İraq hökümətinin İD qüvvələrilə mübarizəsində İran mühüm rola malikdir.