Dünyada COVID-19-dan ölənlərin sayı 6 milyonu ötüb

Pandemiya başlayandan bəri dünyada koronavirusdan ölənlərin sayı 6 milyon nəfəri keçib.

“Report” xəbər verir ki, bu barədə federal və yerli hakimiyyət orqanlarının, eləcə də KİV və digər açıq mənbələrin məlumatlarını ümumiləşdirən Cons Hopkins Universiteti məlumat yayıb.

Məlumata görə, pandemiyanın başlanğıcından indiyədək 6 000 097 nəfər ölüb, ümumilikdə 446 milyondan çox yoluxma halı qeydə alınıb.