Almaniyanın şərqində yerləşən Drezdendə ildırım vurması nəticəsində azı 10 nəfər xəsarət alıb.
“Report”un məlumatına görə, bu barədə DPA agentliyi şəhər yanğınsöndürmə xidmətinə istinadən məlumat yayıb.
Hadisə nəticəsində 4 nəfər ağır xəsarət alıb, onlardan ikisi reanimasiya şöbəsinə yerləşdirilib, daha 6 nəfər isə əzalarında uyuşmadan şikayətlənib.
İddiaya görə, insanlar restoranın talvarının altında gizlənərkən metal dayağa ildırım düşüb. Hadisə yerinə helikopter də cəlb edilib.